Herbert  Simon (1921-2003) foi un dos pioneiros e probablemente unha das persoas que máis contribuíu á recuperación e á difusión do coñecemento do Camiño de Santiago, camiñándoo e estudándoo, recalcando o seu valor simbólico na unificación e reconciliación europea ("Andando sente Europa"). Nesa liña, contribuíu a impulsar a declaración do Camiño como itinerario cultural europeo, en 1987.
A conferencia versará, pois, ao redor da súa dedicación ao Camiño de Santiago.  Lioba  Schumhmacher ofrecerá un percorrido a modo de relato a través dunha selección do seu arquivo fotográfico e documental, abarcando as diversas facetas en que se desenvolveu, sempre de forma entregada e desinteresada.